قصص وحواديت

قصص قصيرة للاطفال عن الثقة بالنفس كورة الأحلام

قصص قصيرة للاطفال عن الثقة بالنفس

قصة قصيرة تعلم الطفل الثقة بالنفس تقدمها لكم الكاتبة بسنت ياسر تروي لكم القصة بشكل جميل وهادف جدا

ميلاد فرحه

فى يوم من أيام الشتا الجميلة إتولدت بنت جميلة إسمها (فرحه) ولما نتكلم عن (فرحه) مش حنقول غير الجمال والرقة والفرحة فى كل حاجه بتعملها ويكمن الشتا فصل مميز بالنسبالها عشان ده الفصل اللى إتولدت فيه و(فرحه) أجمل ما فيها انها بتحاول تستمتع بكل حاجه حلوه فى حياتها وبالنسبالها الدنيا دى حلم جميل وبتحاول تسجل كل لحظه حلوه فى حياتها فى كتاب صغير إسمه كوره الاحلام أصلها بتحب الكوره اوى وبتحب تلعب كل الالعاب اللى فيها كوره وبالنسبالها متعه كبيره لما تلعب كوره طايره او سله او حتى كوره يد المهم الحلم اتطور معاها بس لسه مش عارفين وصل لفين .

بداية الحلم

فى يوم من أيام الشتا الجميلة كانت فرحه رايحه المدرسة وفى طريقها قابلت حد من صحبها وفضلوا طول الطريق يتكلموا مع بعض لحد ما وصلوا للمدرسة واليوم كان ممتع جدا ده لان (فرحه)أكيد مش هتعدى اليوم من غير ما تلعب كوره ، وخلص اليوم و(فرحه) روحت البيت وعملت واجبتها وشربت اللبن وغسلت اسنانها وراحت لسريرها عشان تنام مر الوقت وراحت (فرحه) فى النوم بس المره دى وهيا نايمه فجأه حلمت بحلم غريب . (فرحه) بدأت تستغرب وهيا نايمه إيه ده أنا فين؟
وإيه كل الكور الملونة دى؟ الله دى حلوه أوى ….إيه ده دى بتنور….إيه ده دى ألوانها حلوه أوى …..إيه ده دا فى أحمر واااو وأصفر وأخضر وازرق….إيه ده…. إيه اللون الغريب ده كمان فحلوقى ده ولا إيه ؟

بس المهم إنى فرحانه أوى دا احلى يوم فى عمرى ولا إيه …..أنا عمرى ما كنت مبسوطه زى النهرده يارب مش عايزه أصحى من الحلم ….دا أحلى حلم فى حياتى ده ولا إيه.

صدمه الحلم

بدأت (فرحه) تمسك الكور فرحانه جدا بالألوان وإنهم كمان بينورا وبيطلعوا ضوء حلو أوى ألوان كلها حياه وفرحه زى (فرحه) بالظبط.

وفجأه بدأت تحصل حجات غريبه بدأت (فرحه) تسمع أصوات وكلام بصوت واطى هيا بتحاول تعرف إيه ده بس الأصوات كتير و مش مسموعه بتتكلم فى وقت واحد ، حاولت تقرب من الكور وتعرف الاصوات دى جايه منين وتحاول تقرب أكتر و أكتر لحد ما الاصوات بدأت توضح أكتر وفجأه الكور ظهر لها بوء وعنين وودان وإدين ورجلين وبدأ كل لون من الالوان يتكلم ولأن كلهم كانوا بيتكلموا فى وقت واحد فبصوت عالى إتكلمت (فرحه) وقالت ممكن هدؤ مش عارفه أسمع حد فيكم إنتم مين و إزاى إنتم بتتكلموا وإزاى أنا هنا وبدؤا كلهم يبصوا لبعض ويتكلموا تانى فى وقت واحد.

وبصوت عالى(فرحه) قالتلهم من فضلكم حد بس يتكلم أنا مش فاهمه حاجه أنا محتاجه أفهم ورجعوا تانى بصوا لبعض وبعد كده الكوره الصفرا بدأت بالكلام وقالت بصى يا (فرحه) فجأه (فرحه) إتخضت ثانيه واحده انتى تعرفينى منين رجعت ردت الكوره الصفرا احنا كلنا نعرفك كويس جدا لأن إحنا وإنتى واحد ووقفت (فرحه) مصدومه إزاى… إيه اللى انتى بتقوليه ده ردت الكوره تانى وقالت زى ما سمعتى وممكن بس تسمعى للأخر بصى يا ستى دلوقتى إنتى نايمه وبتحلمى بس الحلم مختلف شويه لأنك جوه دماغك.

الصدمه الى كانت فيها (فرحه) كبيره وبدأت تكلم نفسها جوه دماغى طب إزاى ، وبدأت الكوره الصفرا تتكلم معاها وتقولها أنا بقا يا ستى الكوره المسؤله عن الافكار أما بقا الكوره الحمرا فا دى مسؤله عن الغضب أما بقا الخضرا مسؤله عن إختيارك للأكل أما بقا البنفسج فا دى مسؤله عن حزنك وأخيرا الزرقا ودى بقا الفرحه يا أحلى (فرحه) .

حريه الإختيار

وكانت (فرحه) فى صدمه كبيره مش عارفه تتكلم مش عارفه تصدق اللى بيحصل مش عارفه دا بيحصل ليه وفجأه قررت أنا

هجمع كل الشجاعه الى جوايا وهقولهم أنا هنا بعمل إيه ؟

وبصوت هادى بدأت (فرحه) تتكلم أنا هنا بعمل إيه؟

ردت الكوره الصفرا إنتى جايه هنا تختارى حد فينا عشان يكمل معاكى الفتره الجايه ، وبكل هدؤ ردت (فرحه) بس انا مقدرش اعيش من غيركم مقدرش أعيش من غيرك يا كوره يا صفرا لأنك مصدر أفكاري، ولا إنتى يا كوره يا حمرا عشان أنا لما حغضب حعبر إزاى عن زعلى أنا لو كتمته جوايا ممكن أتعب يجلى مرض أموت أنا لازم أعبر عن غضبى ولا حفرقع زى البلونة.

وحتى إنتى يا كوره يا خضرا قوليلى طيب عرف منين إن الاكله دى طعمها حلو ولا وحش مره ولا حلوه حادقه ولا عادبه ، ولا إنتى يا كوره بنفسجيه يا جميله أنتى ردت البنفسجيه لأ على فكره أنا مش حلوه خالص أنا بخليكى حزينه وبتعيطى ردت (فرحه) إيه الكلام ده لأ طبعا أنا من غيرك مش حعرف أزعل وأعيط وأطلع الطاقة السلبية من جوايا إنتى المصدر الوحيد إنى أحس بالألم عشان أعرف قيمه كوره الفرحه الى هيا كمان مقدرش استغنى عنها لأنها بتخلينى طايره من السعادة مع أى لحظه مميزه وحلوه فى حياتى معاكى يا كوره الفرحه بحس بطعم الحياه وكل حاجه بحققها بتبقى ليها معنى أحلى.

الإختيار الصح

بدأت كل الكور تبص لبعض ويتكلموا وفجأه الكوره الصفرا بس إنتى لازم تختارى طيب بصى إحنا هنديكى عشر دقايق تفكرى فيهم وبعدها قررى وفجأه (فرحه) يا جماعه هو بعد كل الى قلته ده فى تفكير انا بحبكم كلكم مقدرش أستغنى عن أى حد فيكم كلكم بتعبروا عن اللى جوايا أنا مقدرش أعيش من غير حد فيكم.

وفجأه جريت الكور كلها على (فرحه) وقلولها إحنا كمان بنحبك زى ما إنتى بتحبينا وحابينك زى ما إنتى ، وقالتلهم أنا كمان بحبكم أوى زى ما إنتو بالغضب والفرحه والحزن والاختيار والافكار بحب فيكم كل حاجه لان الانسان مننا لازم يحب نفسه بكل ما فيها والى حوليه كمان لازم يحبوه زى ما هو ، لان هيا دى الفرحه وهيا دى الحياه الحقيقيه

بقلم : بسنت ياسر.

 

 

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق