كان يا مكان فى وقت مش بعيد ولا قريب فى بنت اسمها بسكوته هيا ماكنتش اسمها بسكوته ولا حاجه هيا بس عشان كانت رقيقه وبتخاف من اقل حاجه فباباها ومامتها وصحابها سموها بسكوته بس هيا اسمها الحقيقى (بسنت) يعنى اسم ناعم وجميل وهو اسم زهره من الزهور.
وفى يوم من الايام (بسنت) كانت هتصحى الصبح للمدرسة وزى كل يوم كانت داخله تنام عملت كل واجبتها بتاعت المدرسة وغسلت اسنانها وشربت اللبن وجات تنام هيا كانت رايحه للنوم بس للأسف النوم هو الى مجاش فضلت تتقلب يمين وشمال وشمال ويمين بس بردو مفيش فايدة هيا بتحاول تروح للنوم وهو مش بيجىي ترى النوم مش بيجى ليه.
المهم (بسنت) حاولت تفكر فى حد هيا بتحبه او حاجه هيا بتحب تعملها, وفجأه وبصوت جاي من بعيد حد بيقول (بسنتتتتت) يا (بسنتتتتتتتتت) إنتى فين وحشتينى أوى, اتخضت وخافت واحنا من الاساس قولنا انها بتخاف من أقل حاجه والمره دي قررت انها تواجه خوفها وتشوف ايه الصوت ده وجاى منين راحت بكل شجاعه تنادى مين انتا مين محدش رد،رجعت تنادى تانى اننا مين ….طيب عايزمنى ايه …رود ارجوك أرجوك رود عليا انتا مين .
وفجأه الدولاب اتفتح بشويش وطلع منه كوره هو مش كورة هو كائن شبه الكورة بس بريش ورجل قصيره وسنان جميله وعنين واسعه ولونه ازرق.
(بسنت) كانت بتبصله بكل خوف وهيا تحت الغطا خايفه حتى تتحرك وبتقوله وصوتها كله خوف انتا مين وعايز منى ايه رود ارجوك قالها متخافيش انا اعرفك كويس وبشوفك كل يوم بصت باستغراب ونست الخوف وبكل برأه انتا تعرفني منين انا اول مره اشوفك قالها بس انا بشوفك كل يوم , قالتلو إزاى طيب انا متأكد إنى أول مره اشوفك قالها إفتكرى كويس قالته انا متاكده اوى انى اول مره اشوفك>
قالها طب ارجعى بالذاكره كده مش فكرانى احنا لعبنا كتير وانتى صغيره وفرحنا سوا وزعلنا سوا انا صاحبك الخيالى وإنتى صغيره كنت بلعب معاكى كنت بشجعك وبقولك دايما خليكى قويه واعملى كل حاجه نفسك فيها طالما مشبتعلمي حاجه غلط جربى حاولى حتنجحى حتى لو فشلتي إنتى أكيد حتتعلمى من الفشل ومش حتكرريه.
انا انهارده جاى اقولك انتى قدها واوعى تبينى خوفك لحد إيه أسؤ حاجه ممكن تحصل مش مهم حاولى وجربى حتقدى وحتى لو مقدرتيش حتتعلمى مفيش احسن منالتجربة والمحاولة هما دول حيخلوكى اقوى فاكره زمان لما كنتى بتجربى تلعبى او ترسمى تجرى او تعومى او حتى تتعلمى تركبى عجل كنتى بتقعى مره اتنين تلاته أربعه كنتى بتقعى كتير وفى الاخر إتعلمتى حاجه جديده وفرحتى بيها جدا.
هو ده المعنى الحقيقى للحياه وفجأه حركه عفويه من (بسنت) حضنت صديقها الخيالى الازرق الناعم وقالته انا بحبك اوى وكنت محتاجه اسمع الكلام ده اوى من حد بس كل الى حواليا دايما بيحبطونى تخيل مسمينى بسكوته عشان بدوب بسرعه زى البسكوت بس الفرق بينا هو بيدوب فى الشاى وانا بدوب فى المشاكل.
بس خلاص من انهارده فى كلام تانى يا ابو ريشه انتا يا جميل انتا انا هفضل احاول واجرب علشان اوصل لأي حاجه انا عايزاها والى فهمته منك ان الدنيا مش سهله لازم الواحد يجرب ويحاول ويعافر ويصبر عشان يوصل لأي حاجه هو عايزها وإن فعلا الحياه ملهاش أى معنى او طعم من غير تعب انا بحبك اوى يا ابو ريشه عيش معايا على طول لاء انا حمشى بس أوعدك انى أول ما ححس انك محتاجانى حجيلك على طول.
وانا كمان بحبك اول عايزك قويه انتى قدها ؛ يلا باي يا بسكوته بس نشفه شويه ؛باى يا ابو ريشه حتوحشينى اوى ؛ وانتى كمان حتوحشينى اوى.
بقلم / بسنت ياسر.